قصة هذه القصيده تعدت المحليه الى العربيه

في يوم من الايام طلعت الى بلد عربي للسياحه واشياء اخرى(والشاطر يفهمها)

وعندما دخلت احد الفنادق شفت شي يا ليتني ما شفته

شفت احلى وجه خلقه الله حتى ظنيت اني دخلت الجنه سبحان الخالق

المهم(ضاعت علومي)ولا عاد عرفت وين انا وحسيت ان عمري صار خمس سنوات

واول ما جلست جاتني القمر وهي بعد اسمها قمر تسلم علي(من قدي)

وراحت تتكلم معي وانا طاير ما ادري وش تقول انا ناظرت في عيونها وضعت

فحاولت ان اصور ما حدث بهذه القصيده القصيره ولا هي والله تستاهل

اكثر من كذا

قـابـلتها صـدفه عـلى غير ميعاد        واحـلى مـواعـيد تجي دوم  صدفه

مـاجيـتهـاعـاشـق وللحب نشاد         لكـن خفوقي اللي سعى صوب حتفه

جـتـني تسلم كـلها شـوق وقـاد        وعـيونها تـجرح ولا اريـد  رأفـه

مـدت يمـين بمثلها الوقت مـا جاد        واسـتقبلتها ايدي   وحسيت رجفـه

وعـيـونها تـقـرا عـيوني ولا فاد       انـي اصـد وراسـي  ازريت الفـه

لـحـظه طغى فيها الوله حيل وازداد       وضاع الكلام اللي مـن  اول اعرفـه

سـبحان من يعـطي جماله لمن راد        فـي خـد وعـيـون  وجـيد وشفه

يا لـيتـني ثـوب عـلى متنها ساد        ويا ليتني كـاس  خـذت منه رشفه

يقولون صدفه احـسن من الف ميعاد       واقول انا صـدفه بمليون  صـدفـه