انـا عـطـيـت ولا بـقـا لـك معي شي            وانـتـي خـذيـتـي كـل شـي ماعطيتي

وانـا وفـيـتـك يـوم كـان الامـل حـي            وانـتـي ابـد يــا خـــايـنـه مـاوفـيـتـي

وانا احتويتك في عيوني كما الضي            وانـتي نـكـرتـيـني ولـي ما احتويتي

وانـا شـكـيـت جـروح مـدفـونـه فـي            وانـتـي من جروح الهوي ماشكيتي

وانـا بـغـيـتك تـعـشـقـيني لـو شـوي            وانـتـي ولا يــوم لـعـشـقـي بـغـيـتي

وانـا نـويـت الخـيـر لـجـلـك مهو لي            وانـتـي عـلـى اعــدام قـلـبـي نتويتي

وانـا بـكـيت دمـوع سـالت كما المي            وانـتـي ولا يـوم مـن اجـلي بـكـيتي

وانـا رويـت الحـب مـن خافـقي ري            وانـتـي مـن ادمـوع ابد ما ارتويتي

وانـا مـشـيت بـدرب شمسك ابي في            وانـتـي خـذيـتي اللي تبين ومشيتي

وانـا رضيـت الكـذب منكم وهي هي            وانتي بصدقي ياروى ما رضيتي

وانـا لــقـــيـتـك كـــذبـة كـــلـهـا غــي            وانـتي الـحقـيـقه فـي عـيوني لقيتي

وانــا انـكـويـت بـنـاركـم ياروى كي            وانـتـي جـرحـتيـني وقـلبـي كويتي

وانـا لـفـيـتـك قـلـبـي خـالي من السي            وانـتـي عــلـي بـكـل ســيـة لـفـيتي

وانـا بـنـيـتـك يـوم كـنـتـي ولا شـــي            وانـتـي هـدمـتـي يـاروى ما بنيتي

وانا طويت اللي مضي لي معك طي          وانـتـي بـعـد ايـام عـمـري طـويـتـي